شاندی باڵای هەسەدە و هاوپەیمانیی نێودەوڵەتی كۆدەبنەوە

ئاڤا نیوز

كۆبوونەوەی شاندی باڵای هەسەدە و هاوپەیمانیی نێودەوڵەتی بۆ پرسی ئاگربەست لە بەنداوی تشرین دەستیپێكرد.

وێنە گەورەكە: دوای ڕووخانی دەسەڵاتی ئەسەد لە 2024-08-12، شەڕو پێكدادان لەنێوان هێزەكانی سووریای دیموكرات و گروپە چەكدارەكانی نزیك لە توركیا لە منبج و دەوروبەری بەنداوی تشرین دەستیپێكرد و تا ئێستاش سەدان كەس كوژراون.

چی ڕوودەدات: بۆ پرسی ئاگربەست لەنێوان هێزەكانی ڕۆژئاوای كوردستان و گروپەكانی نزیك لە توركیا، شاندی باڵای هەسەدە بەسەرۆكایەتی مەزڵووم عەبدی، فەرماندەی گشتیی هەسەدە و ڕۆژهەڵات عەفرین، فەرماندەی گشتیی هێزەكانی یەپەژە، ئێوارەی ئەمڕۆ گەیشتنە شوێنی دیاریكراو بۆ كۆبوونەوە لە بەنداوی تشرین و ئێستا لەگەڵ هاوپەیمانی نێودەوڵەتی لە كۆبونەوەدان.

ئەوەی لەبارەیەوە دەوترێت: میدیاكانی ڕۆژئاوای كوردستان باس لەوە دەكەن، بە ئەگەرێكی زۆر ئاگربەستی هەمیشەیی لەنێوان هەسەدە و گروپە چەكدارەكانی نزیك لە توركیا ڕادەگەیێنرێت.

بە تەنیشت ئەم بابەتەوە: چەند ڕۆژێك لەمەوبەر سوپا و هێزە ئەمنییەكانی سووریا چوونەتە بەنداوی تشرین لە حەلەب، ئەوەش دوای كشانەوەی هێزەكانی هەسەدە لەچوارچێوەی ڕێككەوتنی نێوان هەسەدە و حكومەتی دیمەشق.