مەراسیمی بەخشین تایبەت بە کاکەییەکان بەڕێوەدەچێت

ئاڤا نیوز

مەراسیمی بەخشین بووە بە ناسنامەی کولتووری کاکەییەکان، بۆ ماوەی شەش سەدەیە ئەم نەریتەیان پاراستووە، لەم ڕۆژەدا گیانی پێکەوەیی زیاتر دەبێت و دڵەکان بەرامبەر یەکتر پاکدەبنەوە.

وێنە گەورەکە: بۆماوەی شەش سەدەیە مەراسیمی بەخشین بووە بەناسنامەی کولتووری کاکەییەکان، ئەم نەریتەیان پاراستووە، لەم ڕۆژەدا گیانی پێکەوەییان زیاتر دەکەن و ئەمساڵ لە گوندی هاوار لە هەڵەبجە بەیەکەوە کۆبوونەوە و جگە لە خواردن، مۆسیقای تەمبور بەشێکی گرنگی مەراسیمەکان بوو، گروپێک لەکچان و کوڕانی کاکەیی مۆسیقای سونەتی و گۆرانی ڕەسەنی کوردەوارییان پێشکەش کرد.

زانیاریی زیاتر: ماستی قەڵاتێ بۆ ڕوحی میر ئەسکەندەرە کە یەکێکە لەڕابەرە ڕوحییەکانی یارسان لەدوای شەهیدبوونی دەستی پێکردووە و بووە بە نەریتێکی ساڵانەی کاکەییەکان. جاران لەمەراسیمی بەخشیندا تەنها ماستیان دابەشکردووە، بەڵام ئێستا خواردنی جۆراوجۆری خۆماڵی وەک یاپراخ و بریانی دەخرێتە سەر خوانەکان. مەبەستی سەرەکی ئەم نەریتە، پشتگیری خێزانە کەمدەرامەت و بەهێزکردنی پەیوەندییە کۆمەڵایەتییەکانە.