پاپای ڤاتیکان داوای ئاگربەستی غەززە دەکات

ئاڤا نیوز

 

لە میانەی بەڕێوەچوونی ئاهەنگەکانی جەژنی قیامەی مەسحییەکان، پاپای فرانسیس، پاپای ڤاتیکان داوای ڕاگەیاندنی ئاگربەستی غەززەی کرد.

 

وێنە گەورەکە: ڕۆژی یەکشەممە 20-4-2025، لە میانەی بەڕێوەچوونی جەژنی قیامەی مەسیحییەکان پاپا فرانسیس، پاپای ڤاتیکان ئیدانەی دۆخی مرۆیی و هێرشەکانی بۆ سەر کەرتی غەززە کرد.

 

لێدوانی فەرمی: پاپا فرانسیس، پاپای ڤاتیکان لە وتارێکدا ڕایگەیاند،''ئیدانەی دۆخی کارەساتبار و شەرمەزارکەری مرۆیی کەرتی غەززە و هێرشەکانی  سەر ئەو کەرتە دەکەم و  داوا لە لایەنە شەڕکەرەکان دەکەم و ئاگربەست ڕابگەیێنن و بارمتەکان ئازاد بکرێن و هاوکاری مرۆیی بۆ خەڵکی برسی دابین بکەن''.

 

لەلایەکی دیکەوە: پاپا هۆشداریدا لەوەی بیری دژە جوولەکە  لە سەرانسەری جیهاندا گەشەی سەندووە و پێویستە ڕێگری لێبکرێت.

 

باکگراوند: جەژنی هەستانەوە "قیامە" لەلای مەسیحییەكان بە دووەم جەژن دادەنرێت، ئەم جەژنە لای شوێنكەوتووانی ئایینی مەسیحی، واتە زیندوو بوونەوەی مەسیح دوای لە خاچ درانی. بۆ پیرۆز ڕاگرتنی ڕۆژەکە مەسیحییەكانی جیهان لە دوای 50 ڕۆژ بە ڕۆژوو بوون، پێشوازی لە جەژنی هەستانەوە "قیامە" دەكەن.