ژمارەی ئامێرەکانی ATM بۆ دابەشكردنی مووچە زیاد دەکرێن

ئاڤا نیوز

ژمارەی ئامێرەكانی 'ATM' زیادكراون بۆ نزیكەی 600 ئامێر، ئاڤا زانیویەتی بۆ وەرگرتنی مووچەی مانگی چوار، زیاتر لە 400 هەزار مووچەخۆری هەرێمی كوردستان لەڕێگەی ئەو ئامێرانەوە مووچەكانیان وەردەگرن.

وێنە گەورەكە: لەگەڵ ڕاگەیاندنی پرۆژەی هەژماری من و دروستكردنی كارتی بانكی بۆ مووچەخۆرانی هەرێمی كوردستان، دەستكرا بە دانانی ئامێرەكانی ڕاكێشانی پارە لە زۆربەی شوێن و ناوچەكان.

زانیاریی تایبەت: سەرچاوەیەك لە تیمی 'هەژماری من' بە ئاڤا میدیای ڕاگەیاند، ژمارەی ئامێرەكانی ATM زیادكراون و ئێستا گەیشتووەتە 600 ئامێر، جگە لەو ئامێرانەی لەنێو مۆڵ و سوپەرماركێتەكان هەن.

ئەم مانگە زیاتر لە 400 هەزار مووچەخۆر كە كارتی بانكیی هەژماری منیان هەیە، لەڕێگەی 600 ئامێری 'ATM' مووچەكانیان وەردەگرن.

بۆچی گرنگە: زیادكردنی ئامێرەكانی ڕاكێشانی پارە وا دەكات لۆد و قەرەباڵغی لەكاتی دابەشكردنی مووچە نەمێنێت كە لە مانگەكانی ڕابردوو لەكاتی دابەشكردنی مووچە دروست دەبوو، بڕیاریشە ژمارەیەكی زیاتری 'ATM' لە شوێن و ناوچە جیا جیاكان دابنرێت.