منداڵێکی دەنگخۆش لە ڕۆژهەڵاتی کوردستان دەبێتە ترێند

ئاڤا نیوز

منداڵێکی تەمەن 12 ساڵ بەهۆی دەنگخۆشییەکەی لە ڕۆژهەڵاتی کوردستان بووەتە ترێند لە تۆڕە کۆمەڵایەتییەکان.

چیرۆکی سەرەکی: لاوان محەممەدی گۆرانییەکی خۆشی هونەرمەندی گەورەی کورد و هەورامان سەباح هەورامی دەڵێتەوە، لەکاتێکدا گوتنەوەی گۆرانییەکە بۆ هونەرمەندانیش قورسە، بەم هۆیەوە بووەتە ترێند و لە تۆڕە کۆمەڵایەتییەکان پێشوازییەکی زۆری لێ کراوە. 

 

لە پەیامنێرەوە: پەیامنێری ئاڤا لە هەڵەبجە بەدواداچوونی بۆ کردووە، لاوانی دەنگۆخش تاقانەیە، باوکی کۆڵبەری دەکات و نابیستیشە، گوێی لە کوڕە دەنگخۆشەکەی نەبووە.

زانیاریی زیاتر: ئەو ڤیدیۆیەی لاوان کە بووەتە ترێند، لەگەڵ دوو مۆسیقاژەن لە گوندەکەی خۆیان لەنێو خەڵک دانیشتووە و دەورەیان داوە و گۆرانییەکە دەڵێتەوە.