ئەنجوومەنی کۆمکاری وڵاتانی عەرەبی کۆدەبێتەوە

ئاڤا نیوز

سبەی سێشەممە، کۆبوونەوەی ئاسایی ئەنجوومەنی کۆمکاری عەرەبی لەسەر ئاستی نوێنەران دەست پێدەکات و تێیدا ئەو بڕگانە ئامادە دەکرێن کە لە کۆبوونەوەی ڕۆژی چوارشەممە لەلایەن ئەنجوومەنی کۆمکاری عەرەبی لەسەر ئاستی وەزیرانی دەرەوەی عەرەب پەسەند دەکرێن.

 

چیرۆکی سەرەکی: سێشەممە 2025-4-22، کۆبوونەوەی ئاسایی 163 یەمینی ئەنجوومەنی کۆمکاری عەرەبی لەسەر ئاستی نوێنەران لە قاهیرە دەست پێدەکات و باڵیۆزی عێراق لەکۆماری عەرەبی میسر و نوێنەری هەمیشەیی عێراق لەکۆمکاری عەرەبی لە دانیشتنەکەدا بەشداری دەکەن ئامادەکارییەکان بۆ لووتکەی بەغدا دەخەنەڕوو.

 

ڕێككەوتنەكە بەم شێوەیەیە: لەگەڵ دەستپێکردنی کۆبوونەوەکە، سەرۆکایەتی ئەنجوومەنەکەی لە یەمەنەوە ڕادەستی ئوردن دەکرێت کە سەرۆکایەتی ئەنجوومەنەکە دەکات بۆ 163 هەمین دانیشتن.

ئەوەی پێشبینی دەكرێت: بڕیارە نوێنەرانی هەمیشەیی بابەتی گرنگ تاوتوێ بکەن، دیارترینیان ئامادەکارییە بەردەوامەکانە بۆ میوانداریکردنی لووتکەی عەرەبی لە بەغدا کە لە ناوەڕاستی مانگی داهاتوو بەڕێوەدەچێت.

لە هەمان کاتدا: نوێنەرانی هەمیشەیی پرسی فەلەستین و ململانێی عەرەب و ئیسرائیل و بەدواداچوون بۆ پێشکەوتنە سیاسییەکانی دۆزی فەلەستین و پێشێلکارییەکانی ئیسرائیل لە شاری غەززە و بەردەوامی دەستدرێژییەکانی ئیسرائیل بۆ سەر غەززە و بابەتی کاروباری عەرەبی و ئاسایشی نەتەوەیی عەرەبی و بەدواداچوونی بارودۆخی لوبنان و یەمەن و لیبیا و سۆماڵ و سودان و سووریا و هاوکاری نێودەوڵەتی عەرەبی تاوتوێ بکەن.