ترەمپ: سەرکردەکانی جیهان داوام لێدەکەن لە پێناسی گومرگی بیانبەخشم

ئاڤا نیوز

 

سەرۆکی ویلایەتە یەکگرتووەکانی ئەمریکا ڕایگەیاند، زۆرێک لە سەرکردەکانی جیهان و بازرگانەکان داوای لێدەکەن ئەو باجانەی سەپاندویەتی لەسەریان هەڵبگرێت و لێیان خۆشبێت.

 

چیڕۆکی سەرەکی: ڕۆژی 2-4-2025، دۆناڵد ترەمپ، بڕیاری پێناسی گومرگی بەسەر 50 وڵاتی  جیهان سەپاند، ئەمەش نیگەرانیی لە نێو وەبەرهێنەرانی جیهان لە ئەگەری ڕوودانی شەڕێکی بازرگانی بەرفراوان دروستکرد. هەروەها یەکێتی ئەوروپا و چین و چەند وڵاتێکی دیکە وەک وەڵامێک بۆ ئەو هەنگاوەی ترەمپ، سەپاندنی  باجیان لەسەر کاڵا ئەمریکییەکان ڕاگەیاندووە.

لێدوانی فەرمی: دۆناڵد ترەمپ، سەرۆکی ویلایەتە یەکگرتوەکانی ئەمریکا ڕایگەیاند: ''لەو کاتەوەی پێناسی گومرگیم بەسەر وڵاتانی جیهاندا سەپاندووە، زۆرێک لە سەرکردە و وەبەرهێنەرە دیارەکانی جیهان هاتوونەتە لام و داوام لێدەکەن لە باج بیانبەخشم''.

 

ئەوەی پێویستە بیزانیت: دوای ئەوەی سەپاندنی پێناسی گومرگی کاردانەوە و نیگەرانی وڵاتانی بەدوای خۆیدا هێنا ترەمپ ڕاگرتنی بڕیارەکەی  بۆسەر  75 وڵات بۆ ماوەی 90 ڕۆژ ڕاگەیاند، بە نیازی ئەوەی وڵاتان بتوانن ڕێککەوتنی بازرگانی لەگەڵ واشنتن ئەنجام بدەن.