پێشنیازی ئەمریکا بۆ ڕاگرتنی شەڕ پێشکەش بە ئۆکراینا کرا

ئاڤا نیوز

 

ڕۆژنامەی وۆڵ ستریت جۆرناڵ بە پشتبەستن بە بەڵگەنامەیەکی دەستکەوتوو بڵاویکردەوە، لەم هەفتەیەدا ئەگەر هەیە ئۆکراینا وەڵامی پێشنیازێکی ئەمریکا بۆ ڕاگرتنی شەڕ بداتەوە.

 

زانیاریی بەدەستهاتوو: ڕۆژنامەی وۆڵ ستریت جۆرناڵ  بڵاویکردووەتەوە، ''پێشنیازێک لەلایەن بەرپرسانی باڵای ئیدارەی دۆناڵد ترەمپ، سەرۆکی ئەمریکا لە کۆبوونەوەیەکی نهێنی لەگەڵ هاوتا ئۆکراینی و ئەوروپییەکان لە پاریس خرایەڕوو، تیایدا چەند خاڵێک باسکراوە ''.

 

ئەمەش بزانە: سەرچاوە ئاگادارەکان بە ڕۆژنامەکەیان ڕاگەیاندووە، ''ئۆکراینا لەژێر فشاری ئەمریکادایە بۆ ئەوەی لەم هەفتەیەدا وەڵامی خۆی سەبارەت بە پێشنیازەکە پێشکەش بکات''.

 

ئەوەی لەبارەیەوە دەگوترێت: ڕۆژنامەکە ئاماژەی بەوەکردووە،'' لەم پێشنیازەدا هەندێک ئیمتیازات بە ڕووسیا دراوە، لەوانە ئەگەری دانپێدانانی ئەمریکا بە لکاندنی مۆسکۆ بۆ کریمیا، هاوکات دوورخستنەوەی کیێڤ لە پەیوەستبوون بە ناتۆ''.

زانیاریی زیاتر: ترەمپیش هیواخوازە لەم هەفتەیەدا ڕووسیا و ئۆکراینا ڕێککەوتن بکەن.

قووڵتر: تاوەکو ئێستا نووسینگەی ڤۆلۆدیمیر زێلێنسکی، سەرۆکی ئۆکراینا بە ئاشکرا هیچ لێدوانێکی لەسەر وردەکارییەکانی ئەو پێشنیازەی ئەمریکایە نەداوە.