نێچيرڤان بارزانى: به‌رده‌وام ده‌بين له‌ كاركردن بۆ فه‌راهه‌مكردنى ژینگەی گونجاو بۆ کاری ڕۆژنامەنووسان

ئاڤا نیوز

 

نێچیرڤان بارزانی لە ساڵیادی ڕۆژنامەگەری کوردیدا ڕایدەگەیەنێت، لەم بۆنەیەدا جەخت لەسەر پابەنديمان بە ئازاديی ڕۆژنامەگەری و ڕادەربڕین و گرنگى و پێویستيی پاراستنی وشەی ئازاد، وەک یەکێک لە بنەما سه‌ره‌كييه‌کانی دیموکراسی و پێشکەوتن و کۆمه‌ڵگه‌یه‌کی ته‌ندروست و ئاسووده دەکەینەوە.

 

چیرۆکی سەرەکی: 127 ساڵ بەسەر دەرچوونی یەکەم ڕۆژنامەی کوردی تێپەڕدەبێت کە ڕۆژی 22ـی نیسانی ساڵی 1898 میقداد مەدحەت بەدرخان، لە قاهیرە یەکەم ڕۆژنامەی کوردی بەناوی "کوردستان" بە چاپ گەیاند.

 

‌ڕاگەیێنراوی فەرمی: سەرۆکایەتی هەرێمی کوردستان پەیامی نێچرڤان بارزانی، لە ساڵیادی ڕۆژنامەگەری کوردی بڵاویکردووەتەوە و تیایدا هاتووە، لەم بۆنەیەدا، جەخت لەسەر پابەنديمان بە ئازاديی ڕۆژنامەگەری و ڕادەربڕین و گرنگى و پێویستيی پاراستنی وشەی ئازاد وەک یەکێک لە بنەما سه‌ره‌كييه‌کانی دیموکراسی و پێشکەوتن و کۆمه‌ڵگه‌یه‌کی ته‌ندروست و ئاسووده‌، ده‌كه‌ينه‌وه‌. 
  

لە بەشێکی دیکەی پەیامەکەیدا هاتووە:-

 

- به‌رده‌وام ده‌بين له‌ كاركردن بۆ فه‌راهه‌مكردنى ژینگەی گونجاو بۆ کاری ڕۆژنامەنووسان کە تيايدا دەستگەییشتن بە زانیاری مسۆگەر بکات و لە هه‌موو کۆت و بەند و بەربەستێك دوور بێت.


- باوەڕمان وایە ڕۆژنامەگەريی ئازاد، بوێر، بەرپرسیار و ڕه‌خنه‌گر، هاوبەشێکی سەرەکییە لە بنیاتنانی کوردستانێکی دادپەروەرتر و پێشکەوتووتر.
   
- وه‌ك هه‌ميشه‌ ڕۆژنامەنووسان هان دەدەین کە پابەندی پیشەیيبوون و بێلایەنی و ڕاستگۆیی بن و لە زێدەڕۆیی و گوتاری هەڵچوون دوور بکەونەوە و بەرژەوەنديی گشتيی وڵات و ئاشتيی کۆمەڵایەتی لەسەرووی هەموو شتێکەوە دابنێن.

- بە ڕێزەوە یادی شەهیدانی ڕۆژنامەگەريی كوردستان و هەموو ئەوانە دەکەینەوە کە لەپێناو گەیاندنی ڕاستی و خزمەتی کۆمەڵگەدا، قوربانییان داوە.
  
- ڕۆڵی ڕێکخراوە ناوخۆیی و نێودەوڵەتییەکان لە چاودێریکردنی ئازاديی ڕادەربڕین لە کوردستان بەرز دەنرخێنین و دڵنيايان ده‌كه‌ينه‌وه‌ كه‌ سوود لە ڕاپۆرتەکانیان وەرده‌گرین بۆ پەرەپێدانی ژینگەی میدیایى و ڕۆژنامه‌وانى له‌ وڵاته‌كه‌مان.