بەبۆنەی ڕۆژی جیهانیی زەوی مەراسۆنێک لە هەولێر بەڕێوەچوو

ئاڤا نیوز

 

دامەزراوەی کوردستان فاوەندەیشن ماراسۆنیکی تایبەت بە ڕۆژی جیهانیی  زەوی ڕێک دەخات و زیاتر لە هەزار کەس بەشداری تێدا دەکەن.

 

چیرۆکی سەرەکی: ئەمڕۆ سێشەممە ڕێککەوتی 22ـی 4ـی 2025، بەبۆنەی ڕۆژی جیهانیی زەوییەوە، ماراسۆنیک بە بەشداریی هەزاران کەس لە پارکی سامی عەبدولڕەحمان لە شاری هەولێر بەڕێوەچوو.

 

لێدوانی فەرمی: گەشبین تاریق، بەڕێوەبەری پڕۆگرام لە (Climate.KRD) بە ئاڤا میدیای ڕاگەیاند: لە ڕۆژی جیهانیی زەوی، زیاتر لە هەزار کەس بە درێژایی 5 کیلۆمەتر ڕادەکەن و براوەی ماراسۆنەکەش خەڵات دەکرێت.

 

زانیاریی زیاتر: "مەبەستی ماراسۆنەکە هۆشیارکردنەوەی گەنجەکانە لە کاریگەرییە ژینگەییەکان، بۆیە بەشداریکردن و پشتگیریی میدیاکاران لە چالاکییەکە کاریگەریی ئەرێنی هەیە".