وەسیێتی پاپا فرانسیس ئاشکرا دەکرێت

ئاڤا نیوز

 

پاش یەک ڕۆژ لە کۆچی دوایی، وەسیێتی پاپا فرانسیس سەبارەت بە شوێنی بەخاکسپاردنی ئاشکرا دەبێت کە لە ڕێککەوتی 22-6-2022 خۆی نووسیویەتی.

 

وێنە گەورەکە: ڕۆژی دووشەممە 21-4-2025، پاپا فڕانسیس، پاپای ڤاتیکان و ڕێبەری کاتۆلیکەکانی جیهان، لە تەمەنی 88 ساڵیدا بەهۆی جەڵتەی مێشک و سستی دەمارەکانی دڵیەوە کۆچی دوایی کرد، وڵاتانی جیهانیش سەرەخۆشی خۆیان ئاراستەی ڤاتیکان کرد.

 

بڵاوکراوەی فەرمی: وەسیێتی پاپا فرانسیس کە لە میدیاکان بڵاوکراوەتەوە و  لە 22-6-2022 خۆی نووسیویەتی، تیایدا هاتووە، "ئاواتەخوازم خواستەکانی کۆتاییم تەنیا سەبارەت بە شوێنی ناشتنم بخەمەڕوو. داوا دەکەم گۆڕەکەم زۆر سادە بێت و بۆ ئەم مەبەستەش چەند کەسێکم ڕاسپاردووە و شوێنی ناشتنەکەشم دیاری کردووە، بڕە پارەیەکەشـم بە خێرخواێک داوە بۆ ئەم مەبەستە و کاردیناڵێک سەرپەرشتی دەکات، داوا دەکەم تەنیا لەسەر گۆڕەکەم بنوسرێت [فرانسیسکۆس].

زانیاریی زیاتر: بەپێی وەسیێتی، پاپا فرانسیس لە کەنیسەی سانتا ماریا ماجیۆری دەنێژرێت لە ڤاتیکان، کە پێچەوانەی نەریتی ناشتنی پاپاکانە لە کەنیسەی سانت پیتەر.

لەلایەکی دیکە: بە گوێرەی هەواڵێکی پێگەی نیوز ویک، تێچووی مەراسیمی بەخاکسپاردنی پاپا فرانسیس نزیکەی شەش ملیۆن دۆلارە.

ئەمەش بزانە: ئەمە لە کاتێکدایە تێچووی بەخاکسپاردنی پاپا جۆن پاوڵ کە لە ساڵی 2005 کۆچی دوایی کرد، نزیکەی نۆ ملیۆن دۆلار بووە، بەڵام پاپا فرانسیس هەندێک لە خەرجییەکانی پێشتری کەمکردبووەوە.