ئیسرائیل لە پێنج مانگدا زیاتر لە چوار هەزار ئامانجی حیزبوڵڵای پێکاوە

ئاڤا نیوز

 

سوپای ئیسرائیل ڕایگەیاند، لە ماوەی پێنج مانگی ڕابردوودا، نزیکەی 4500 ئامانجی حیزبوڵڵاى لوبنانیان لە لوبنان و سووریا پێکاوە و 300 چەکداری ئەو گرووپەیان کوشتووە ، زیاتر لە 750 کەسیش بریندار بوون.

 

چیرۆکە سەرەکییەکە: دوای ئەوەی سەرچاوەیەکی ئاسایشی لوبنانی ڕایگەیاند کە هێرشەکانی ئیسرائیل بۆ سەر ڕۆژهەڵاتی لوبنان کەسێکی کوشتووە، سوپای ئیسرائیل بەیاننامەیەکی بڵاو کردەوە کە ئاماری پێکانی ئامانجەکانیان دەخاتەڕوو.

 

لێدوانی فەرمی: سوپای ئیسرائیل ڕایگەیاند لە ڕێی هێرشی ئاسمانی و زەمینییەوە ئامانجەکانیان پێکاوە، لەوانە: کۆگای چەک و ژێرخانی سەربازی. هەروەها پێنج فەرماندەی باڵای گرووپەکەیان کوشتووە، دەیان «شانەی تیرۆریستی»شیان پێکاوە کە مووشەکی دژەتانک و مووشەکیان گرتووەتە ئیسرائیل.