لە سلێمانی ژنێک بەهۆی نەشتەرگەریی جوانکارییەوە گیان لەدەست دەدات

ئاڤا نیوز

دوای ئەوەی هەواڵی گیانلەدەستدانی ژنێک بەهۆی نەشتەرگەری دەرهێنانی چەورییەوە بڵاوکرایەوە، بەڕێوەبەرایەتیی تەندروستی سلێمانی ڕوونکردنەوە لەوبارەیەوە دەدات.

چیرۆکی سەرەکی: ئافرەتێک  بەناوی 'شۆخان عەبدوڵڵا' لە دایکبووی 1989 کە خاوەنی سێ منداڵە، لە بەریتانیاوە بۆ کوردستان گەڕاوەتەوە، دوای ئەوەی شەوی سێشەممە دەچێتە یەکێک لە نەخۆشخانە تایبەتەکانی سلێمانی، بۆ ئەوەی نەشتەرگەری لابردنی چەوری بۆ بکرێت، لە ژێر نەشتەرگەریدا گیانلەدەست دەدات، ئاڤا بەدواداچوونی بۆ هۆکاری گیانلەدەستدانەکەی کردووە.

لێدوانی فەرمی: د. هێرش سەلیم، جێگری بەڕێوەبەری گشتیی تەندروستی سلێمانی بە ئاڤا میدیای ڕاگەیاند: نەخێر ئەمە شتێکی واریدە، ئەوانەی نەشتەرگەریی چەور و لابردنی و بڕینی ئێسقانیش دەکەن، پێیان دەڵین یەکێک لەو هۆکارانەی دەبێتە هۆی مەترسی لەسەر ژیانت جەڵدەی سییەکانە، لەبەر ئەوەی بەشێک لەو چەورییە ڕەنگە بچێتە خوێنەوە و توشی ئەم حاڵەتەی بکات.

ئەوەی پیویستە بیزانیت: ئێوارەی ئەمڕۆ چوارشەممە، تەرمی شۆخان عەبدوڵڵا لە پزیشکی دادی سلێمانی ڕادەستی کەسوکارەکەی کرا.