گەورەترین گەندەڵی لە پارێزگای نەجەف ئاشکرا دەکرێت

ئاڤا نیوز

لیژنەی دەستپاکیی پەرلەمانی عێراق گەورەترین گەندەڵی لە پارێزگای نەجەف ئاشکرا دەکات و ئەندامێکی لیژنەکەش دەڵێت دۆسیەکە ئامادەیە و ڕادەستی داواکاری گشتی و دەستەی نەزاهە دەکرێت.

وێنە گەورەکە: گەندەڵی بووەتە دیاردەیەکی مەترسیدار لە عێراق و باڵی بەسەر هەموو بوارەکانی ژیاندا کێشاوە و زۆرجاریش بووەتە کۆسپ لەبەردەم بووژانەوەی ئابووری و گەشەکردنیدا.

لێدوانی فەرمی:  هادی سەلامی، ئەندامی لیژنەی دەستپاکی لە پەرلەمانی عێراق  ڕایگەیاند: لە دوو ساڵی ڕابردوودا تەنیا لەشارەوانی پارێزگای نەجەف، چارەنووسی زیاتر لە 385 ملیار دینار دیار نییە.

- لەساڵی 2023 شارەوانی نەجەف 328 ملیار دینار کرێی ساڵانەی موڵک و ماڵی دەوڵەتی کۆکردووەتەو ە و ئەوەی ڕادەستی حکومەت کراوە تەنیا 25 ملیار دینار بووە.

- بۆ ساڵی 2024 بڕیاربوو شارەوانی نەجەف لەچەند پرۆژەیەکدا 101 ملیار دینار ڕادەستی حکومەت بکات، بەڵام تەنیا 17 ملیار دیناری ڕادەست کردووە.

- بەمەش چارەنووسی 387 ملیار دینار دیارنییە و پێویستی بەڕوون کردنەوە هەیە.