بەخێرایی کار لە دووسایدی كۆڕێ - شەقڵاوە - قەندیل دەکرێت

ئاڤا نیوز

كاركردن لە پرۆژەی دووسایدی ( كۆڕێ- شەقڵاوە- قەندیل) زۆر بەخێرایی بەردەوامە و قۆناغی باشی بڕیوە، بەتەواوبوونی هاتووچۆی گەشتیاری و بازرگانی لەسنووری پارێزگای هەولێر دەچێتە قۆناغێكی نوێ.

وێنە گەورەکە: پرۆژەی دووسایدی ( كۆڕێ - شەقڵاوە - قەندیل) كە بەشێكی گرنگی ڕێگەی هاملتۆنە، درێژییەكەی 10 كیلۆمەترە و هەردوو تونێلی گەورەی 'ماوەران و میراوە'ـی لەخۆگرتووە، دوو یەكتربڕیش بەشێوەی ئۆڤەرپاس و ئەندەرپاس دەگرێتەوە.

ئەوەی پێویستە بیزانیت: بەهۆی كێشەی تەكنیكی و كارەكانی شیاندنی خاك و خۆڵی ژێر شەقامەكە، ماوەیەك كارەكانی وەستا، ئێستا جێبەجێكردنی پرۆژەكە دەستیپێكردووەتەوە.

لێدوانی فەرمی: ئومێد خۆشناو، پارێزگاری هەولێر دەڵێ: بەو پێیەی ڕێگەی دوو سایدی (كۆڕێ- شەقڵاوە- قەندیل) ڕێگەیەكی گرنگی بازرگانی و گەشتیارییە، كاركردن لە پرۆژەكە زۆر بەخێرایی بەڕێوەدەچێت و ئامانجەكە ئەوەیە لە نزیكترین كاتدا بەڕووی هاتووچۆی ئۆتۆمبێل بكرێتەوە.