هیندستان موسڵمانان لە یاسای نوێی هاووڵاتیبوون دووردەخاتەوە

ئاڤا نیوز

 

موسڵمانان لە یاسای نوێی هاووڵاتیبوون لە هیندستان دووردەخرێنەوە، لەکاتێکدا هیندۆسەکان لە پاکستان، ئەفغانستان و بەنگلادیش مافی بەدەستهێنانی وڵاتینامە ئەو وڵاتەیان دەبێت.

 

وێنە گەورەکە: حکومەتی هیندستان ڕێکارە فەرمییەکانی بۆ هەموارکردنەوەی یاسای نەتەوەیی و وڵاتینامە دەستپێکردووە و موسڵمانانی ئەو وڵاتە پێیانوایە، یاساکە دژی ئەوانە.

 

ڕاگەیێنراوی فەرمی: حکومەتی هیندستان ڕایگەیاند: "بە هەموارکردنەوەی ئەو یاسایە، ڕووبەڕووی ئەو گۆشەگیرییە دەبینەوە کە کەمینەکان هەیانە".

 

لە لایەکی دیکەوە: ماماتا بانەرجی، سەرۆکی پارتی کۆنگرەی نەتەوەیی کە پارتێکی ئۆپۆزیسیۆنە ڕایگەیاند: "ئەم هەنگاوە لەم کاتەدا کە چەند ڕۆژێک پێش ڕاگەیاندنی وادەی هەڵبژاردنە، هۆکارەکەی سیاسییە".

 

ئەوەی پێویستە بیزانیت: ئەو یاسایەی ئێستا کاری پێدەکرێت، نایەڵێت هیچ کۆچبەرێکی نایاسایی ڕەگەزنامەی هیندستان بەدەستبهێنێت، بەڵام بە هەموارکردنەوەی یاساکە، ڕێگە بە کۆچبەرانی نایاسایی دەدرێت ڕەگەزنامە بەدەستبهێنن بە مەرجێک پێش کۆتایی ساڵی 2014 لە پاکستان، ئەفغانستان یان بەنگلادیشەوە هاتبێتنە هیندستان.