تەندروستی سلێمانی: هیچ کەسێک بەهۆی خۆڵبارین نەهاتووەتە نەخۆشخانەکان

ئاڤا نیوز

بە ئاستی جیاواز شەپۆلێکی خۆڵبارین ناوچەکانی هەرێمی کوردستانی گرتووەتەوە و بەهۆی خێرایی باوه‌، مەودای بینین کەم بووەتەوە.

چیرۆکی سەرەکی: دوو ڕۆژە خۆڵبارینی چڕ بەشێکی ناوچەکانی هەرێمی کوردستان و عێراقی گرتووەتەوە، مەودای بینین کەمبووەتەوە، کاریگەری خستووەتە سەر تەندروستی بەشێکی هاووڵاتیان.

لێدوانی فەرمی: سامان شێخ لەتیف، بەڕێوەبەری ڕاگەیاندنی تەندروستی سلێمانی بە ئاڤای گوت، "خۆڵبارینی سنووری سلێمانی زۆر چڕ نییە، بۆیە تاوەکو ئێستا هیچ چارەخوازێک بەو هۆکارە سەردانی نەخۆشخانەکانی نەکردووە."

ئەمەش بزانە: شەپۆلەکە ماوەی سێ ڕۆژ بەردەوام دەبێت کاریگەرییەکەی زیاتر لەسەر پارێزگاکانی ڕۆژئاوای عێراق دەبێت.