عێراق 38 کەس دیپۆرت دەکاتەوە

ئاڤا نیوز

وەزارەتی ناوخۆی عێراق دیپۆرتکردنەوەی 38 کەس لە ڕەگەزنامەی جۆراوجۆر بە هۆی سەرپێچیکردنی ڕێسا و مەرجەکانی نیشتەجێبوون ڕادەگەیێنێت.

 

وێنە گەورەکە: بەگوێرەی ئامارە فەرمییەکان لە عێراق 43 هەزار کرێکاری بیانی هەن کە مۆڵەتی کارکردنیان هەیە، لەو ژمارەیەش بەشێکی زۆریان مۆڵەتی ساڵانەیان نوێ نەکردووەتەوە و ئێستاش لە وڵاتەکەدا کار دەکەن.

 

لێدوانی فەرمی: ڕائید عەباس بەهادلی، وتەبێژی وەزارەتی ناوخۆی عێراق ڕایگەیاند: بەڕێوەبەرایەتیی باری شارستانی و پاسپۆرت و نیشینگە، لە ڕێگەی لایەنە پەیوەندیدارەکانەوە لە بەرێوەبەرایەتیی کاروباری نشینگە، 38 کەسیان لە ڕەگەزنامەی جۆراوجۆر بەهۆی سەرپێچیکردنی ڕێسا و مەرجەکانی نیشتەجێبوون دیپۆرتکردەوە.

 

ئەوەی پێویستە بیزانیت: ناوەڕاستی شوباتی ئەمساڵ، بەڕێوەبەرایەتی نشینگە لە وەزارەتی ناوخۆ، دەستگیرکردنی نزیکەی سێ هەزار کرێکاری سەرپێچیکاری بیانی و دیپۆرتکردنەوەیان بۆ دەرەوەی عێراق ڕاگەیاند کە بەشی زۆریان هەڵگری وڵاتینامەی سووری، بەنگلادیشی و پاکستانی بوون.

- ساڵی ڕابردووش تەنیا لە بەغدا 20 هەزار و 598 سەرپێچیکار دیپۆرت کراونەتەوە، هاوکات ژمارەکە بۆ هەموو عێراق گەیشتووەتە زیاتر لە 36 هەزار کەس.