لە 12 ویلایەتی ئەمریکا سکڵای یاسایی دژی ئیدارەی ترەمپ تۆماردەکرێت

ئاڤا نیوز

چەندین ویلایەتی ئەمریکا وەک هەڵوێستێک دژی سیاسەتی ئەمریکا سەبارەت بە سەپاندنی پێناسی گومرگی سکاڵای یاسایی لەسەر ئیدارەی ترەمپ تۆمار دەکەن.

چیرۆکی سەرەکی: ڕۆژی چوارشەممە 2025-04-23، لە نیویۆرک 12 ویلایەتی ئەمریکا لە دادگای نێودەوڵەتی بازرگانی ئەمریکا سکاڵای یاساییان لە دژی ئیدارەی ترەمپ تۆمار کرد و داوایان کرد  جێبەجێکردنی سیاسەتی پێناسی گومرگی بوەستێنرێت.

ئەوەی پێویستە بیزانیت: ئەو 12 ویلایەتە لە داواکارییەکەدا ئاماژەیان بەوە کردووە کە سیاسەتی گومرگی نایاساییە و پشێوی لە ئابووری ئەمریکادا دروستکردووە، داوا لە دادگا دەکرێت دەزگاکانی حکومەت و فەرمانگەکانیان لە جێبەجێکردنیان قەدەغە بکات.

قووڵتڕ: ڕۆژی 2025-04-02، دۆناڵد ترەمپ، بڕیاری پێناسی گومرگی بەسەر 50 وڵاتی  جیهان سەپاند، ئەمەش نیگەرانیی لە نێو وەبەرهێنەرانی جیهان لە ئەگەری ڕوودانی شەڕێکی بازرگانی بەرفراوان دروستکرد. هەروەها یەکێتی ئەوروپا و چین و چەند وڵاتێکی دیکە وەک وەڵامێک بۆ ئەو هەنگاوەی ترەمپ، سەپاندنی  باجیان لەسەر کاڵا ئەمریکییەکان ڕاگەیاندووە.

ئەوەی پێشبینی دەکرێت: شارەزایان هۆشدارییان داوە لەوەی کە پەرەسەندنی ناکۆکی بازرگانی نێوان چین و ئەمریکا لێکەوتەی ترسناکی بۆ ئابووری جیهان بە گشتی دەبێت.