توێژینەوەیەک: خەونی شەوان کاردانەوەی ژیانی ڕۆژانەی مرۆڤەکانە

ئاڤا نیوز

توێژینەوەیەکی زانستی نوێ دەریخستووە کە پەیوەندییەکی بەهێز لە نێوان ژیانی ڕۆژانەی مرۆڤەکان و خەوی شەوانەیان هەیە.

 

زانیاریی بەدەستهاتوو: توێژینەوەیەک لە ناوەندی سیمبا کە تایبەتمەند بە توێژینەوە لەسەر شێوازی خەو و تەکنیکەکانی، وردبوونەوەیەکی لەسەر خەونی ژمارەیەک لە بەشداربووانی بەریتانی ئەنجامداوە و ئاشکرای کردووە، کە دونیای خەونەکان تەنیا کات بەسەربردنێکی شەوانە نییە، بەڵکو ڕەنگدانەوەی هەست و ئەزموونی ڕۆژانەی مرۆڤەکانە.
 
ئەوەی لەبارەیەوە دەگوترێت: ئەنجامەکان نیشان دەدەن، جیاوازییەکی ڕوون لە نێوان ڕەگەزەکاندا هەیە بۆ نموونە، ژنان زیاتر خەونی ترسناکیان بینیووە، لەکاتێکدا پیاوان زیاتر خەونی خەیاڵیان بینیووە.

 

زانیاریی زیاتر: توێژەران دەڵێن، ژینگەی دەورووبەر ڕۆڵێکی بەرچاو دەگێڕێت لە خەونەکاندا، هاوکات ڕێنمایی دەکەن خۆیان لە دڵەڕاوکێی و شڵەژانی ڕۆژانە بەدوور بگرن.