ڕەشەبا و خۆڵبارین ئاهەنگی دەرچوونی پەیمانگەی هونەرەجوانەكانی هەولێر تێكدەدات

ئاڤا نیوز

ڕەشەبا و خۆڵبارینەکەی ئەمڕۆی هەولێر، ئاهەنگی دەرچوونی پەیمانگەی هونەرە جوانەکانی هەولێری تێکدا، ڕاگری پەیمانگەش دەڵێت، "ئێمە وەک کارگێڕیی پەیمانگە، لەگەڵ ئەوە نەبووین ئەمڕۆ بکرێت کەچی بەشێک لە قوتابیان پێداگربوون لە ئەنجامدانی ئاهەنگی وێنەگرتن.

 

وێنە گەورەکە: شەپۆلێکی خۆڵبارین و ڕەشەبا ناوچەکانی هەرێمی کوردستانی گرتووەتەوە، ئەمڕۆ کاریگەرییەکەی لە هەولێر زیاتر بوو، دیاریکردنی ڕۆژی وێنەگرتن و ئاهەنگی دەرچوون لەلایەن قوتابیە دەرچووەکانی پەیمانگەی هونەرە جوانەکانی هەولێر، لەکاتی خۆیدا نەبوو، بەهۆی ڕەشەبا و خۆڵبارینەوە ئاهەنگەکە نەکرا، هاوکات شوێنی ئامادەکراو بۆ بەڕێوەچوونی ئاهەنگی وێنەگرتن بەتەواوی تێکچوو.

 

لێدوانی فەرمی: زیرەک محەممەد، ڕاگری پەیمانگەی هونەرە جوانەکانی هەولێر بە ئاڤای گوت، "قوتابیان خۆیان ئەو ڕۆژەیان دیاریکرد ، بەداخەوە بە قسەی ئێمەیان نەکرد، وتیشی ئەمڕۆ تەنیا وێنەگرتن بوو، قوتابیان خۆیان وتوویانە گروپێک ڕێکدەخەین و تۆزێک هەڵپەڕکێ دەکەین، هەرچەندە ئێمە داماننابوو ڕۆژێکی دیکە بۆ ئاهەنگ و هەڵپەرکێ دیاری بکەین، کەچی قوتابییەکان ڕازی نەبوون و سووڕبوون لەسەر ئەوەی هەر ئەمڕۆ بێت."

- ڕاگری پەیمانگەی هونەرە جوانەکانی هەولێر ئاماژەی بەوەشکرد، سوپاس بۆ خوا، لەکاتی ئاهەنگی وێنەگرتنەکە هەموولایەک سەلامەت بوون و هیچ زیانێکی گیانی نەبوو، تەنیا چەند زیانێکی ماددی کەمی لێ کەوتەوە.