ترەمپ: سعوودیە و ئیسرائیل پەیوەندییەکانیان ئاسایی دەکەنەوە

ئاڤا نیوز

لە چاوپێکەوتنێکیدا لەگەڵ گۆڤاری تایم، دۆناڵد ترەمپ سەرۆکی ئەمریکا وتی، لەو باوەڕەدایە سعوودیە و ئیسرائیل پەیوەندییەکانیان ئاسایی بکەنەوە.

وێنە گەورەکە: لە چوارچێوەی گەشتێکی بۆ ڕۆژهەڵاتی ناوەڕاست، بڕیارە مانگی داهاتوو ترەمپ سەردانی وڵاتی سعوودیە بکات و چەند ڕێککەوتنێک لەگەڵ ئەو وڵاتەدا واژۆ بکات کە بەهاکەیان دەگاتە زیاتر لە 100 ملیار دۆلار.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، پێم وایە سعوودیە دەبێتە بەشێک لە ڕێککەوتنی ئیبراهیم و پەیوەندییەکانی لەگەڵ ئیسرائیل ئاسایی دەکاتەوە.

باکگراوند: لە ساڵی 2020، لە یەکەم خولی سەرۆکایەتییەکەدا بە نێوەندگیری ترەمپ بەپێی ڕێککەوتنی ئیبراهیم هەریەک لە وڵاتانی ئیمارات، بەحرەین، سودان و مەغریب پەیوەندییەکانیان لەگەڵ ئیسرائیل ئاساییکردەوە.