شاندی ئەمریکا لەگەڵ پووتین کۆبووەوە

ئاڤا نیوز

ڤلادیمێر پووتین سەرۆکی ڕووسیا لەگەڵ ستیڤ ویتکۆف نوێنەری تایبەتی ترەمپ بۆ ڕۆژهەڵاتی ناوەڕاست کۆبوویەوە، و ڕاوێژکارێکی سەرۆکی ئەو وڵاتەش دەڵێت، گفتوگۆکانیان بوونیادنەر و بەسوودبوون.

وێنە گەورەکە: ئیدارەی ترەمپ هەوڵەکانیان بۆ ڕاگەیاندنی ئاگربەست لە نێوان ڕووسیا و ئۆکراینا چڕکردووەتەوە، بەڵام هێشتا ڕووسیا بە پێشنیازی ئەمریکا بۆ ئاگربەست ڕازی نەبووە.

لێدوانی فەرمی: یوری ئوشاکۆڤ، ڕاوێژکاری دیپلۆماسی سەرۆکی ڕووسیا ڕایگەیاند، بۆ ماوەی سێ کاتژمێر گفتوگۆیەکی زۆر بوونیادنەر و بەسوودمان ئەنجامدا، و ئەگەری دەستپێکردنەوەی دانوستانە ڕاستەوخۆکانی نێوان نوێنەرانی ڕووسیا و ئۆکرانیا باسکران.