پیشەسازی عێراق: باشترین پانێڵی وزەى خۆر بەرهەم دەهێنین

ئاڤا نیوز

 

وەزارەتى پیشەسازیی و کانزایی عێراق ئاشکرای دەکات، بەرهەمهێنانى پانێڵى وزەى خۆر لە کارگە ناوخۆییەکانی سەر بە وەزارەتی پیشەسازی کێبڕکێی بەرهەمى هاوردەکراو دەکات، لەتوانایاندایە کە هەناردەی دەرەوەی وڵاتیشی  بکەن.

وێنە گەورەکە: بەرهەمهێنانی کارەبا لەڕێگەی وزەی خۆر وەک یەکێک لە سەرچاوە گرنگەکانی دابینکردنی وزە دادەنرێت لەسەر ئاستی جیهان، حکومەتی عێراقیش دەیەوێت لەڕێگەی هاندانی هاووڵاتییان بۆ دانانی سیستمی بەرهەمهێنانی کارەبا لە وزەی خۆر، فشار لەسەر تۆڕی کارەبای نیشتمانی کەمبکاتەوە.

ڕاگەیێنراوی فەرمی: زوحا جبورى، گوتەبێژى وەزارەتى پیشەسازى و کانزاکان ڕایگەیاند: کۆمپانیای گشتیی زەورا کە تایبەتە بە دروستکردنى پانێڵى وزەى خۆر، بەپشبەستن بەتەکنەلۆژیا و ئامێری سەردەم توانای دروستکردنی پانێڵی وزەی خۆری هەیە، کە لە ڕووی کوالێتیی و نرخەوە کێبڕکێی بەرهەمى هاوردەکراو بکات.

زانیاریی زیاتر: جبوری ئاماژەی بەوەشکرد، بەرهەمهێنانى پانێڵى وزەى خۆر لە کارگەکانی کۆمپانیای زەورای سەر بە وەزارەتی پیشەسازی عێراق، خزمەت بە سەرجەم ئەو وێستگانە دەگەیەنێت کە پانێڵى وزەى خۆر بەکاردەهێنن بەهەموو جۆرەکانی گەورە، بچووک، حکومى، پیشەسازى، بازرگانى و ماڵان دەکات، هاوکات دەتوانیت پێداویستیی بازاڕى ناوخۆ پڕبکاتەوە.

ئەمەش بزانە:  پێشتر بانکی ناوەندیی عێراق، ڕێککارەکانی پێدانی قەرزی بانکی بۆ بەرهەمهێنانی ئامێری کارەبا بە وزەی خۆر دەرکرد، ئێستا دەستکراوە بە پێدانی پێشینەیەک بە هەر بانکێک بەبڕی 300 ملیۆن دینار و بانکەکانیش لەو بڕە پارەیە دەتوانن بڕی 30 ملیۆن دینار قەرز بۆ هەر یەکەیەکی نیشتەجێبوون دابین بکات، هاوکات هاونیشتمانیان لە سەرجەم پارێزگاکانی عێراق بە هەرێمی کوردستانیشەوە، دەتوانن بۆ دانانی سیستمی کارەبای وزەی خۆر قەرز لە بانکەکان وەربگرن.