سەرۆکوەزیران مەسرور بارزانی پیرۆزبایی لە محەممەد شیاع سوودانی دەکات

ئاڤا نیوز

 

 

بە بۆنەی سەرکەوتنی کۆنگرەکەیان و هەڵبژاردنەوەی وەک ئەمینداری گشتیی ڕەوتی ئەلفوراتەین،  سەرۆکوەزیران مەسرور بارزانی پیرۆزبایی لە محەممەد شیاع سوودانی، سەرۆکوەزیرانی عێراق دەکات.

چیرۆکی سەرەکی: ڕۆژی هەینی 2025-4-25، دووەمین کۆنفرانسی گشتیی ڕەوتی فوڕاتەین لە ژێر دروشمی "ئاوەدانکردنەوە و گەشەپێدان" لە شاری بەغدا بەڕێوەچوو، محەممەد شیاع سوودانی، سەرۆکوەزیرانی عێراق  جارێکی دیکە بە ئەمینداری گشتیی ڕەوتەکە هەڵبژێردرایەوە.

ڕاگەیێنراوی فەرمی: بەگوێرەی ڕاگەیێنراوی حکومەتی هەرێمی کوردستان، ئەمڕۆ شەممە 26ـی 4 مەسرور بارزانی، سەرۆکی حکومەتی هەرێمی کوردستان پەیامێکی پیرۆزبایی ئاراستەی محەمەد شیاع سوودانی کرد بە بۆنەی هەڵبژاردنەوەی بە  ئەمینداری گشتیی ڕەوتی ئەلفوراتەین ( تیار الفراتين). 

- لە پەیامەکەیدا سەرۆکی حکومەت وێڕای پیرۆزبایی بە بۆنەی سەرکەوتنی کۆنگرەکەیان و هەڵبژاردنەوەی سوودانی بە ئەمینداری گشتیی ڕەوتەکە، هیوا دەخوازێت کە دەرەنجام و ڕاسپاردەکانی کۆنگرەکەیان هاندەرێکی بەهێز بێت بۆ کارکردن لە پێناو دابینکردنی خواست و پێداویستییەکانی هاووڵاتیان لە چوارچێوەی عێراقێکی فیدراڵدا کە  لە سەر بنەمای دەستوور و دادپەروەری و سەروەری یاسا دا ، مافی گشت پێکهاتەکان پارێزراو بێت.