عێراقچی: گفتوگۆکانمان لەگەڵ ئەمریکا باش بوون بەڵام ناکۆکیمان هەر هەیە

ئاڤا نیوز

دانوستانەکانی نێوان ئەمریکا و ئێران لەسەر بەرنامە ئەتۆمییەکەی ئێران بەرەوپێشچوونی باشی بەخۆیەوە بینیووە و وەزیری دەرەوەی ئێرانیش پێی وایە لە کۆبوونەوەی داهاتوو شارەزایانی وزەی ناوەکی بخرێنە نێو تیمی دانوستانەکان.

چیرۆکی سەرەکی: ئەمڕۆ شەممە گەڕی سێیەمی دانوستانی نێوان ئەمریکا و ئێران لە مەسقەتی پایتەختی ئێران بەڕێوەچوو، شاندی هەردوولا کۆبوونەوەکەیان بە ئەرێنی وەسفکرد.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند:

٠ خولی سێیەمی دانوستانەکان لە چاو پێشووتر جددیتر بوو و چووینە ناو وردەکاری تەکنیکی زیاترەوە.

٠ بە شێوەیەکی پلەبەندی دەچینە نێو دانوستانەکانەوە ئامادەبوونی شارەزایان زۆر سودی هەبوو بۆمان، چونکە بابەتەکان ئەمجارە هونەری بوون، بۆیە بیروڕامان بە نووسراو ئاڵوگۆڕ کرد. هەردوولا بە نووسراو پرسیارەکانمان پێشکەش کرد و وەڵاممان وەردەگرتەوە.

٠ شارەزایانی ئابووری بۆ یەکەم جار لە کۆبوونەوەکەی ئەمڕۆ ئامادەبوون و پێدەچێت له کۆبوونەوەی داهاتوودا شارەزای وزەی ناوەکی بخرێنە نێو تیمی دانوستاندنکارانەوە.

زانیاریی زیاتر: بەگوتەی عێراقچی، بابەتی دانوستانەکان ئەتۆمییە و لەسەر هیچ پرسێکی دیکە دانوستان قبوڵ ناکەن. ئەم گفتوگۆیانە هیوا بەخشە کە دەتوانرێت پێشکەوتن لە دانوستانەکاندا بەدیبهێنێت، بەڵام لەڕادەبەدەر بە وریایی هەڵسوکەوت دەکەین.