کۆمیسیۆن: 70 حیزب و هاوپەیمانی بۆ بەشدارییکردن لە هەڵبژاردن تۆمارکراون

ئاڤا نیوز

کۆمیسیۆنی هەڵبژاردنەکان دەرگای تۆمارکردنی هاوپەیمانی و حیزب و بەربژێری سەربەخۆی واڵا کردووە و لە کۆی 310 حیزبی فەرمی لە عێراق تاوەکو ئێستا 70 حیزب و هاوپەیمانی ناویان خۆیان بۆ بەشداریکردن لە هەڵبژاردنی داهاتووی پەرلەمانی عێراق تۆمار کردووە.

وێنە گەورەکە: بڕیارە لە 2025-11-11، هەڵبژاردنی خولی شەشەمی پەرلەمانی عێراق بەڕێوەبچێت، کۆمیسیۆن لە ئامادەکارییەکان بەردەوامە و دەرگای تۆمارکردنی هاوپەیمانی و حیزب و بەربژێری سەربەخۆ بۆ بەشداریکردن لە هەڵبژاردن تاوەکو 4ـی مانگی داهاتوو کراوەتەوە.

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی عێراق ڕایگەیاند:

٠ تاوەکو ئێستا 70 حیزب و هاوپەیمانی تۆمارکراون بۆ بەشداریکردن لە هەڵبژاردنی داهاتووی پەرلەمان.

٠ هاوپەیمانییە کۆنەکان زیاترە لە 60 هاوپەیمانی، دەتوانن داتاکانیان نوێ بکەنەوە لە ئەگەری مانەوە لە هاوپەیمانیەتییان یان کشانەوەیان.

زانیاریی زیاتر: رسوماتی تۆمارکردنی هاوپەیمانیی نوێ پێنج ملیۆن دینارە لە کاتێکدا فۆڕمی ناو تۆمارکردن یەک ملیۆن دینارە، هاوپەیمانیەتییە کۆنەکان هیچ بڕە پارەیەک نادەن.

ئەوەی پێویستە بیزانیت:  ئێستا 310 حیزب لە سەرتاسەری عێراق بەشێوەیەکی فەرمی لە کۆمیسیۆن تۆمارکراون، بەڵام سەرجەم حیزبەکان لە هەڵبژاردنەکان بەشداری ناکەن.