بەتۆمەتی وەرگرتنی بەرتیل لێکۆڵینەوە لەگەڵ ئەفسەرێکی هاتووچۆی سلێمانی دەکرێت

ئاڤا نیوز

 

بەڕێوەبەرایەتیی هاتووچۆی سلێمانی لەبارەی لێکۆڵینەوە لە ئەفسەرێکیان کە تۆمەتی وەرگرتنی بەرتیلی لەسەرە، زانیاری دەخاتەڕوو.

 

لێدوانی فەرمی: عەمید ئاسۆ محەممەد، بەڕێوبەری هاتووچۆی سلێمانی بە ئاڤا میدیای ڕاگەیاند: بەتۆمەتی وەرگرتنی بەرتیل، ئەفسەرێکی بەڕێوەبەرایەتییەکەمان بانگهێشت کردووە کە پلەکەی عەمیدە، دەست کراوە بە لێکۆڵینەوە لەگەڵیدا.

 

لەبارەی بڕی بەرتیلەکە بەڕێوەبەری هاتووچۆی سلێمانی دەڵێت، دینارێک بێت یاخوود ملیارێک دینار لێپرسینەوەی هەر لەسەر دەکرێت.

 

ئەوەی پێویستە بیزانیت: لە ماددەی 107ی یاسای سزادانی عێراقی هاتووە، هەر فەرمانبەرێکی حکومەت داوای بەرتیل بکات و وەریبگرێت، بە 10 ساڵ زیندانیکردن سزا دەدرێت، چونکە بە تاوان دادەنرێت و فەرمانبەرەکە دەدرێت بە دادگا. هەروەها بەگوێرەی ئەو دۆخەی بەرتیلەکەی تێدا وەرگرتووە مامەڵەی لەگەڵ دەکرێت، دواتر ئەو کەیسە لەلایەن دادوەرەوە بڕیاری لەسەر دەدرێت کە پێبژاردن بێت یاخود زیندانیکردن بێت.