مەسرور بارزانی و شاندێکی تایلەند گفتوگۆ لەبارەی چەند پرسێکی تایبەت دەکەن

ئاڤا نیوز

 

ئەمڕۆ سێشەممە 29-4-2025، سەرۆکوەزیران مەسرور بارزانی پێشوازیی لە شاندێکی تایلەند کرد بە سەرۆکایەتيی دوسیت ماناپان، ڕاوێژکاری وەزیری دەرەوە.

 

ڕاگەیێنراوی فەرمی: حکومەتی هەرێمی کوردستان بڵاویکردەوە، لە دیدارەکەدا کە سوپارک پرۆنگسورە، باڵیۆزی شانشینی تایلەند لە ئوردن و عێراق ئامادەی بوو، پەرەپێدانی پەیوەندیی دوولایەنە لە بوارە جۆراوجۆرەکاندا تاوتوێ کران.

 

لەلایەکی دیکەوە: شاندەکە خواستی برەودان بە هاریکاريی هاوبەش، هاوئاهەنگی و بەهێزکردنی پەیوەندییەکانی وڵاتەکەیان لەگەڵ هەرێمی کوردستان لە بوارەکانی بازرگانی و وەبەرهێنان، گەشتوگوزار و خوێندن و تەندروستی و بەدیجیتاڵکردن دووپات کردەوە.