ناوی وەزیرێکی کوردستان بە هاوبەشی ڕێکخراوێک دەچێتە نێو کتێبی گینس

ئاڤا نیوز

ڕێکخراوی ئاڤی بۆ هۆشیاریی تەندروستی بە هاوبەشی وەزارەتی تەندروستیی حکومەتی هەرێمی کوردستان ناویان چووەتە نێو کتێبی گینس، بەهۆی ئەوەی درێژترین قردێلەیان لە ڕۆژی بەرەنگاربوونەوەی شێرپەنجەدا نمایشکردووە.

 

وێنە گەورەکە: ساڵی 2020 لە ڕۆژی جیهانی بەرەنگاربوونەوەی شێرپەنجەدا وەزارەتی تەندروستی بە هاوبەشی ڕێکخراوی ئاڤی درێژترین و گەورەترین قردێلەی بۆ بەرزکردنەوەی ئاستی هۆشیاری لەبارەی نەخۆشیی شێرپەنجە لە شاری سلێمانی نمایش کرد.

 

ئەوەی پێویستە بیزانیت: ناوی د. سامان بەرزنجی، وەزیری تەندروستیی حکومەتی هەرێمی کوردستان بە هاوبەشی ڕێکخراوەکە چووەتە نێو کتێبی گینس و ئەمڕۆ خەڵاتەکەیان وەرگرت.

 

زانیاریی زیاتر: درێژترین قردێلەی شێرپەنجە لە جیهاندا بە درێژیی 7300 مەتر لەسەر چیای گۆیژە لە سلێمانی نمایشکرا ئەمەش دوای ئەوەی ڕیکۆردی پێشتری شکاند کە درێژییەکەی 7165 مەتر بوو.