بەشێک لە کارمەندانی ئەڵمانیا بەهۆی کەمی مووچەوە ماندەگرن

ئاڤا نیوز

 

هەرچەندە کەمترین ڕێژەی مانگرتن لەنێو وڵاتانی ئەوروپا لە ئەڵمانیایە، بەڵام مانگرتنی ئەم دواییەی کارمەندانی چەند کەرتێکی خزمەتگوزاری، هەڵاوسانی لە وڵاتەکە دروستکردووە.

 

چیرۆکی سەرەکی: لە چەند مانگی ڕابردوودا کارمەندانی زۆرینەی کەرتەکانی گواستنەوەی گشتی، چاودێریی منداڵان و کانزاسازیی ئەڵمانیا، بەهۆی کەمیی مووچە و خراپی بارودۆخی کارکردنیانەوە، مانیان گرتووە و کار ناکەن.

 

چی ڕوودەدات؟ تەنیا لەم هەفتەیەدا سەدان هەزار گەشتیار بەهۆی مانگرتنی شۆفێرانی شەمەندەفەر و تیمی خزمەتگوزاریی فڕۆکەکانی لوفتانزاوە گیریان خواردووە. بڕیاریشە کارمەندانی ئاسایشی چەند فڕۆکەخانەیەک، مان بگرن و بەمەش هێڵە ئاسمانییەکان ناچار دەبن دەیان گەشتی ئاسمانی هەڵبووەشێننەوە.

 
لێدوانی فەرمی: ئۆلاف شۆڵز، ڕاوێژکاری ئەڵمانیا ڕایگەیاند: “یاسای نوێ لە دژی مانگرتن ناسەپێنین، مافی مانگرتن لە دەستووردا چەسپێنراوە، مافێکی دیموکراسییە و کرێکاران و سەندیکاکان لەپێناویدا خەباتیان کردووە”.