گەشتە ئاسمانییەکان لە فڕۆکەخانەی نێودەوڵەتیی بەغدا ڕاگیران

ئاڤا نیوز

 

ئێوارەی ئەمڕۆ وەزارەتی گواستنەوە و گەیاندنی عێراق گەشتە ئاسمانییەکانی لە فڕۆکەخانەی نێودەوڵەتیی بەغدا ڕاگرت. 

 

چیرۆکی سەرەکی: ماوەی چەند ڕۆژێکە کەشوهەوای بەشێک لەشارەکانی عێراق خراپ و ئەمەش کاریگەری خستووەتە سەر سێکتەرە جیاوازەکانی ئەو شارانە. 

 

ڕاگەیێنراوی فەرمی: مەیثەم سافی، وتەبێژی وەزارەتی گواستنەوە و گەیاندنی عێراق لەوبارەیەوە ڕایگەیاند، بەهۆی خراپی کەشوهەوا و خۆڵبارینێکی زۆرەوە، گەشتە ئاسمانییەکان لە فڕۆکەخانەی نێودەوڵەتیی بەغدا بۆ ماوەی یەک کاتژمێر ڕاگیراوە. 

 

-    ئەم بڕیارە تەنها فڕۆکەخانەی بەغدا دەگرێتەوە و بەشێوەیەکی کاتیش دەبێت. 

زانیاریی زیاتر: کەشوهەوای بەغدای پایتەختی عێراق، ئێوارەی ئەمڕۆ پێنجشەممە زریانێکی خۆڵبارینی بەخۆیەوە بینییوە و ئەمەش کاریگەری لەسەر کامبوونەوەی ئاستی بینین هەیە.