یەكێتیی ئەوروپا: سزای زیاتر بەسەر ئێران دەسەپێنین

ئاڤا نیوز

 

وڵاتانی یەکێتیی ئەوروپا لە ئێران نیگەرانن و دەڵێن، مووشەك و درۆن دەداتە ڕووسیا بۆ ئەوەی شەڕی ئوکراینای پێ بکات و ئەوانیش سزای بەسەردا دەسەپێنن. 

 

وێنە گەورەكە: لە دوایین كۆبوونەوەی ئەندامانی ئەنجوومەنی یەكێتیی ئەوروپا، گفتوگۆ لەسەر شەڕی ڕووسیا و ئۆکراینا کرا، ئەو ئەندامانە پێیانوایە ئێران مووشەک و درۆنی بە ڕووسیا داوە و دژی ئۆکراینا بەکاری دەهێنێت، بۆیەش دەیانەوێت سزای زیاتری بەسەردا بسەپێنن. 

 

ڕاگەیێنراوی فەرمی: “بیر لە سزادانی زیاتری ئێران دەكەینەوە، لەبەر ئەوەی بەڵگەكان دەیسەلمێنن ئەو وڵاتە مووشەک و درۆن بە ڕووسیا دەدات و لە شەڕی ئۆكراینادا بەكاری دەهێنێت”. ڕەشنووسی كۆتایی دوایین كۆبوونەوەی ئەندامانی یەكێتیی ئەوروپا. 

 

زانیاریی زیاتر: یەكێتی ئەوروپا نیگەرانە لە ناوەڕۆكی ئەو ڕاپۆرتانەی كە باس لە تێوەگلانی ئێران دەكات بە پێدانی مووشەک و گواستنەوەی درۆن بۆ ڕووسیا.

 

ئەمەش بزانە: هەریەك لە بەریتانیا، ئەڵمانیا و فەڕەنسا، لە 10-09-2023ـەوە سزاكانی یەکێتیی ئەوروپا کە پەیوەستە بە بڵاوبوونەوەی چەكی ئەتۆمی لە ئێران، وەک خۆی هێشتووەتەوە.