هەرێمی كوردستان و تایلەند پەیوەندییەكانیان لە كەرتی تەندروستی بەهێز دەكەن

ئاڤا نیوز

هەرێمی كوردستان كار بۆ بەهێزكردنی پەیوەندییەكانی دەكات لەگەڵ وڵاتی تایلەند لە كەرتی تەندروستی و بەدیجیتاڵیكردنی سیستمی تەندروستیدا.

 

چیرۆكی سەرەكی: شاندێكی وەزارەتی دەرەوەی تایلەند بە سەرۆكایەتیی دوسیت ماناپان، ڕاوێژكاری باڵای وەزارەتەكە و سوپارک پرۆنگسورە، باڵیۆزی شانشینی تایلەند لە عێراق و ئوردن، سەردانی وەزارەتی تەندروستیی هەرێمی كوردستانیان كرد و لەلایەن دكتۆر سامان بەرزنجی، وەزیری تەندروستی پێشوازییان لێكرا. 

 

ڕاگەیێنراوی فەرمی: پێگەی فەرمی وەزارەتی تەندروستیی هەرێمی كوردستان بڵاویكردووەتەوە، لە دیدارێكدا باس لە هەماهەنگی نێوان هەرێمی كوردستان و تایلاند كرا لەسەر خزمەتگوزارییە تەندروستییەكان بۆ هاووڵاتیان و ئاڵووگۆڕی شارەزایی و سوودوەرگرتنی ئەزموونی هەردوولا و دروستکردن و پتەوکردنی پەیوەندییەكان لەم بوارە.

- وەزیری تەندروستیی هەرێمی كوردستان هیوای بەهێزكردنی پەیوەندییەكانی خواست بەتایبەت لەبوارەكانی وەبەرهێنان لە كەرتی تەندروستی و پەیڕەوكردنی سیستمی دیجیتاڵی لە هەرێمی كوردستان.