شەپۆلی خۆڵبارین قەزاری شنگالیش دەگرێتەوە

ئاڤا نیوز

ئێوارەی ئەمڕۆ شەپۆلێكی خۆڵبارین قەزای شنگالی گرتووەتەوە و بەو هۆیەوە ئاستی بینین زۆر کەمبووەتەوە و تەواوی ئاسمانی شارەکە و دەورووبەری تاریک بووە.

 

وێنە گەورەکە: عێراق یه‌كێكه‌ له‌و وڵاتانه‌ی زۆرترین زیانی گۆڕانکاری کەشوهەوای بەرکەوتووە، بەو هۆیەشەوە ساڵانە خۆڵبارینی چڕ ڕوو لەزۆربه‌ی پارێزگاکانی ناوەڕاست و باشوور دەکات.

 

ڕاگەیێنراوی فەرمی: بەگوێرەی ڕاپۆرتی کەشناسی عێراق، کەشوهەوای ئەمڕۆی زۆربەی شارەکانی عێراق ناجێگیرە و خۆڵبارین ڕوویان تێدەکات، هاوکات هۆشداری دا بە کەمبوونەوەی مەودای بینین لەو پارێزگایەنە، بەتایبەتی ڕیگاکانی نێوان سەنتەری شارەکان و قەزا و ناحییەکانی دەورووبەری.

ئەمەش بزانە: دەستەی کەشناسی عێراق پێشبینیش دەکات جگە لەم شەپۆلە لەم مانگە و مانگەکانی تەممووز و ئاب شەپۆلی دیکەی خۆڵبارین وڵات بگرێتەوە، جەختیش دەکاتەوە کە لە ئەمڕۆوە پلەکانی گەرما زیاتر بەرزدەبنەوە و ئەوەش هاوکار دەبێت لە کۆتاییهێنان بە شەپۆلی خۆڵبارینەکە لە ماوەیەکی زووتردا.

 

بەتەنیشت ئەم بابەتەوە: ئێوارەی ئەمڕۆ فڕۆکەخانەی نێودەوڵەتیی بەغدا بۆ ماوەی یەک کاتژمێر گەشتە ئاسمانییەکانی ڕاگرت، ئەمەش هەر بەهۆکاری کەمبوونەوەی ئاستی بینین بوو بەهۆی خۆڵبارینەوە.