لە سلێمانی 7 شوێن لە بەرژەوەندیی کرێکاران دادەخرێن

ئاڤا نیوز

 

قایمقامی سلێمانی ڕایدەگەیەنێت، بۆ سەلامەتی كرێكاران زیاتر لە هەزار و 100 شوێنی كاركردنمان ئاگاداركردووەتەوە و 7 شوێنمان داخستووە و یەكێك لەو شوێنانەش دراوەتە دادگا.

 

وێنە گەورەكە: لە ڕۆژی جیهانی كرێكاراندا، قایمقامیەتی سلێمانی، پیرۆزبایی لە كرێكاران دەكات و ڕایدەگەیەنێت، هەوڵەكانیان چڕتر دەكەنەوە بۆ پاراستنی گیانی كرێكاران، لەپێناو دەستەبەركردنی ژیانێكی شایستە بۆیان.

 

لێدوانی فەرمی: ئاوات محەممەد، قایمقامی سلێمانی ڕایدەگەیەنێت، لە ڕێگەی لیژنەکانیانەوە بۆ سەلامەتی کرێکاران و لەبەر نەبوونی مەرجی سەلامەتی، شوێنێکیان داوەتە دادگا، زیاتر لە 1100 شوێنیان ئاگادارکردووەتەوە کە مەرجەکانی سەلامەتی جێبەجێ بکەن، ئەمە جگە لەوەی حەوت شوێنیشیان لەسەر پابەند نەبوون داخستووە.

 

قایمقامیەتی سلێمانی دووپاتی دەكاتەوە، لە سۆنگەی باوەڕبوونمان بە دادپەروەری کۆمەڵایەتی، بەردەوام بووین لە پشتیوانیکردن لە خەباتی مەدەنی.