ترەمپ هۆشداری بەو وڵاتانە دەدات کە نەوت لە ئێران دەکڕن

ئاڤا نیوز

دۆناڵد ترەمپ ڕایدەگەیێنێت، هەر وڵاتێک لە ئێران نەوت بکڕێت، لە بازرگانیکردن لەگەڵ ئەمریکا بێبەش دەکرێت.

وێنە گەورەکە: دۆناڵد ترەمپ، سەرۆکی ئەمریکا، هۆشداری دا لەوەی هەر کەس یان دەوڵەتێک نەوت و بەرهەمە پترۆشیمییەکانی ئێران بکڕێت ئەوا لە هەر جۆرە بازرگانیکردنێک لەگەڵ ئەمریکا بێبەش دەکرێت.

لێدوانی فەرمی: ترەمپ لە تۆڕی کۆمەڵایەتیی تروس سۆشیاڵ نووسیویەتی: "ئاگاداری: هەموو کڕینێکی نەوتی ئێران، یان بەرهەمەکانی پێترۆکیمیاوی، دەبێت لە ئێستاوە ڕابگیرێت! هەر وڵاتێک یان کەسێک کە هەر بڕێک لە نەوت یان بەرهەمی پێترۆکیمیاوی لە ئێران بکڕێت، دەکەوێتە بەر سزای لاوەکی دەستبەجێ. ڕێگەیان پێنادرێت بە هیچ شێوەیەک لەگەڵ ئەمریکا مامەڵە بکەن. سوپاس بۆ سەرنجدانتان بۆ ئەم بابەتە، سەرۆک دۆناڵد جەی. ترەمپ".

ئەوەی پێویستە بیزانیت: ئەم هۆشدارییەی ترەمپ بەشێکە لە سیاسەتی 'ئەوپەڕی گوشار' کە لە بەرامبەر ئێران گرتوویەتییەبەر و دەیەوێت هەناردەی نەوتی ئێران بگەیێنێتە سفر و لە ڕێگەی ئەم گوشارە ئابوورییەوە ئێران ناچار بکات بە ڕێککەوتنێکی ئەتۆمی ڕازی ببێت.