كەشناسی: ئەمڕۆ تاوەباران دەبارێت و ڕەشەبای بەهێزیش زۆرینە ناوچەكان دەگرێتەوە

ئاڤا نیوز

بەڕێوەبەرایەتیی كەشناسی و بوومەلەرزەزانیی هەرێمی كوردستان ئاشكرای دەكات كە ئەمڕۆ لە زۆرینەی ناوچەكانی هەرێمی كوردستان پێشبینیی تاوەبارانی كەم دەكرێت لەگەڵ هەورەبروسكە.

ڕاگەیێنراوی فەرمی: كەشناسیی هەرێمی كوردستان ڕایگەیاند: ئەمڕۆ، ئاسمان لەنێوان نیمچە هەور و هەوری تەواو دەبێت، پێشبینی تاوەبارانی کەم لە زۆرینەی ناوچەکانی هەرێمی كوردستان دەکرێت لەگەڵ هەورەبروسكە کە لە ناوچەکانی ڕۆژهەڵاتی هەرێمی كوردستان زیاتر دەبێت، هاوكات ڕەشەبای بەهێزیش دەبێت كە لە ناوچەكانی باشووری هەرێمی كوردستان تۆز و خۆڵیشی لەگەڵ دەبێت و پلەكانی گەرماش هاوشێوەی دوێنێ دەبن.

زانیاریی زیاتر: بەپێی ڕاگەیێنراوی كەشناسیی هەرێمی كوردستان سبەی ئاسمان لەنێوان نیمچە هەور و هەوری تەواو دەبێت، لەگەڵ بارینی کەمێک نمەباران لە ناوچە شاخاوییەکان، هەروەها تاوەبارانی کەم لە ڕۆژهەڵاتی هەرێمی كوردستان، پلەكانی گەرماش نزیكەی چوار پلە نزم دەبنەوە لە تۆماركراوەكانی ئەمڕۆ.

لێدوانی فەرمی: شێخ دارا پێشکەشکاری کەشوهەوای ئاڤا، ڕایگەیاند، خۆڵبارین ئەمساڵ بەردەوام دەبێت، بەڵام لە هەرێمی کوردستان کەمترە بەراورد بە ناوچەکانی عێراق، ئەگەری بارانبارینیش بەهێزە لە مانگی پێنج.