سێ مۆدێلی ئۆتۆمبێل دەکرێنە تاکسی کوردستان

ئاڤا نیوز

 

بەپێی نوێترین بڕیاری وەزارەتی ناوخۆی هەرێمی کوردستان تەنیا ئۆتۆمبێلەکانی مۆدێلی ساڵانی (2023-2024-2025) دەکرێنە تاکسی کوردستان و هەموو جۆرەکانی ئۆتۆمبێلیش لە چوارچێوەی ئەو مۆدێلانە ڕێگەپێدراوە.

 

وێنە گەورەکە: لە هەنگاوێکی نوێدا، وەزارەتی ناوخۆ بە ئامانجی نوێکردنەوەی مۆدێلی ئۆتۆمبێلی تاکسی لە سەرتاسەری هەرێمی کوردستان و بەرزکردنەوەی ئاستی پاراستنی ژینگە و باشترکردنی خزمەتگوزاریی بۆ سەرنشینەکان و جێبەجێکردنی ستانداردی تەکنیکی نوێ، دەرگای تۆمارکردنی تاکسی نوێ، دەکاتەوە.

 

مەرجەکان چین؛ بەپێی ڕێنماییە نوێیەکە، ئەو ئۆتۆمبیلانەی کە ستانداردە تایبەتە ژینگەیی و تەکنیکییەکانیان تێدایە، مافی تۆمارکردنییان وەکو تاکسی دەبێت، لەوانە: ئەو ئۆتۆمبیلانەی کە تەنیا بە بەنزین کاردەکەن، ئەو ئۆتۆمبیلانەی لە بنەڕەتدا تەنها بە گازی شل (LPG) کاردەکەن، هاوکات ئۆتۆمبیلی هایبرید و ئۆتۆمبیلی تەواو کارەبایی. ئەم ئۆتۆمبێلانە ئاسانکاریی تۆمارکردنیان وەکو تاکسی بێ ڕسومات بۆ کراوە.

خاڵە ئەرێنییەکان: شوفێرانی تاکسی دەتوانن لەنێو سەدان جۆر ئۆتۆمبێل کە دەیان براندی جیهانین و لە کوردستان بوونیان هەیە و گونجاون بکرێنە ئۆتۆمبیلی کرێ، تابلۆی تاکسییەکەیان بگوازنەوە سەری و تابلۆیەکی تایبەتیش بە خۆڕایی وەربگرن بۆ ئەوەی تاکسییە کۆنەکەیان وەکو ئۆتۆمبیلی تایبەت بفرۆشنەوە، لەم پرۆسەیە شوفێری تاکسی لە ڕووی داراییەوە هاوکارییەکی باش کراون، دەتوانن ئۆتۆمبێلە کۆنەکەیان بفرۆشنەوە و تاکسییەکی نوێش بخاتە کارەوە.

ئەوەی پێویستە بیزانیت: گۆڕینی تاکسی کۆن بۆ نوێ ئارەزوومەندانەیە و وەستاوەتە سەر دۆخی دارایی شوفێرەکە، ئۆتۆمبیلی هایبرد و تەواو کارەبایی زیاد کراون کە دۆستی ژینگە و دۆستی گیرفانی شوفێری تاکسین.