ئاسایشی نیشتمانیی عێراق کەسێک بە 113 کارتی ئەلیکترۆنییەوە دەستگیر دەکات

ئاڤا نیوز

هێزەکانی سەر بە ئاسایشی نیشتمانییی عێراق، بە تۆمەتی بەقاچاخبردنی پارە بۆ دەرەوە، کەسێک بە 113 کارتی ئەلیکترۆنی و ژمارەیەک کارتی نیشتمانییەوە دەستگیر دەکەن.

 

وێنە گەورەکە: سەرەڕای فشارەکانی ئەمریکا بە مەبەستی ڕووبەڕووبوونەوە و ڕێگریکردن لە سپیکردنەوەی پارە و بردنەدەرەوەی دۆلار لە عێراق و سزادانی دەیان بانک بەهۆی تێوەگلانیان لە سپیکردنەوەی پارە و ڕاگرتنی ڕاکێشانی پارە لە ڕێگەی ماستەر کارد و ڤیزە کاردەوە لە دەرەوە، هەوڵەکان لەلایەن هەندێک لایەن بۆ بردنەدەرەوە و سپیکردنەوەی دۆلار بەردەوامە.

 

ڕاگەیێنراوی فەرمی: یەکشەممە 3ـی ئایار، دەزگای ئاسایشی نیشتمانیی عێراق دەستگیرکردنی تۆمەتبارێکی لە فڕۆکەخانەی نێودەوڵەتیی بەغدا ڕاگەیاند، بە تۆمەتی بە قاچاخبردنی پارە، کە 113 کارتی ئەلیکترۆنی پێ بووە.

 

شێوازی جێبەجێكردن: بەگوێرەی ئاژانسەکە مەفرەزەکانی دەزگای ئاسایشی نیشتمانیی عێراق بە هەماهەنگی لەگەڵ دەستەی گشتیی گومرگەکان، توانیویانە یەکێک لەو کەسانە دەستگیر بکەن کە تێوەگلاوە لە دۆسیەی قاچاخچێتی پارە، تۆمەتبارەکە پێش ئەوەی هەوڵی گەشتکردن بدات، دەستگیر کرا و لە کاتی دەستگیرکردنیشی زیاتر لە (113) کارتی ئەلیکترۆنی و ژمارەیەک کارتی نیشتمانی و سیمکارتی پێبووە.