ئیسرائیل دەیان هەزار سەربازی یەدەگ لە غەززە جێگیر دەکات

ئاڤا نیوز

 

ئیسرائیل دەیان هەزار سەربازی یەدەگ لە کەرتی غەززە جێگیر دەکات، ئەمەش وەک ئامادەکارییەک بۆ فراوانکردنی ئۆپەراسیۆنی غەززە.

 

زانیاریی بەدەستهاتوو: میدیاکانی ئیسرائیل بە پشتبەستن بە بەرپرسانی سەربازیی ئیسرائیل بڵاویانکردەوە، سوپای ئیسرائیل دەستیکردووە بە ناردنی دەیان هەزار سەرباز بۆ فراوانکردنی ئۆپەراسیۆنە سەربازییەکانی سەر کەرتی غەززە، ئەمەش هەنگاوێکی جددی و فراوانی سوپای ئیسرائیلە دوای هێرشەکانی لە مانگی سێ.
 
ئەوەی پێویستە بیزانیت: هێزەکان بەدرێژایی سنوورەکانی لوبنان و کەناری ڕۆژئاوا جێگیر دەکرێن بۆ جێگرتنەوەی هێزە ئاساییەکان کە بەرەو غەززە دەچن.

 

ئەوەی بارەیەوە دەگوترێت: سەرچاوەکان باس لەوە دەکەن کە بنیامین ناتانیاهۆ، سەرۆکوەزیرانی ئیسرائیل ڕازی بووە بە پلانە پێشنیازکراوەکان بۆ فراوانکردنی شەر  و سوپای ڕاسپاردووە کە "هەنگاوی بەهێز" لە دژی حەماس بگرنەبەر لە وەڵامی ڕەتکردنەوەی ئازادکردنی بارمتەکان و ڕەتکردنەوەی هەموو پێشنیازەکانی ئاگربەست.