فڕۆکەخانەی بن گۆریۆن لە ئیسرائیل کرایە ئامانج

ئاڤا نیوز

 

سوپای ئیسرائیل ڕایگەیاند، فڕۆکەخانەی بنگۆریۆن لە تەلئەڤیڤی  ئیسرائیل کرایە ئامانج و بەهۆیەوە کەسێک بریندار بوو.

 

وێنە گەورەکە: ئەمڕۆ یەکشممە  4-4-2025، مووشەکێک "لە یەمەنەوە ئاراستەی فڕۆکەخانەی بن گۆریۆنی ئیسرئیل کرا" و هەر دوای ئەو مووشەکە، دەنگی چەند تەقینەوەیەک لە ناوەڕاستی تەلئەڤیڤ بیستراوە. بەگوێرەی زانیارییە سەرەتاییەکان چەند کەسێک بریندار بوون.

 

ڕاگەیێنراوی فەرمی: میدیاکانی ئیسرائیل بڵاویانکردەوە، سیستمی بەرگریی ئاسمانی مووشەکێکی دیکەیان خستووتەوە خوارەوە کە لە یەمەنەوە ئاراستە کراوە. هاوکات بەگوێرەی میدیای ئیسرائیل لە تەلئەڤیڤ و کەناری ڕۆژئاوا زەنگی ئاگادارکردنەوە لێدەدرێت.

 

لەلایەکی دیکە: هاوکات کەناڵی 13ی ئیسرائیلی لە زاری بەرپرسێکی ئەمنیەوە ڕایگەیاندووە، سیستەمی THAAD و Arrowی ئەمریکی شکستی هێناوە لە ڕێگریکردن لە مووشەکێکی دیکە کە لە  یەمەن ئاراستە کرابوو.

 

قووڵتر: حووسییەکانی یەمەن تۆمەتبار دەکرێن بە ئاراستەکردنی ئەم مووشەکانە. ئەمە لە کاتێکدایە هێرشە ئاسمانییەکانی ئەمریکا بۆ سەر ئەو گرووپە لە ناوچە جیاوازەکانی یەمەن بەردەوامن و هەر وەک ئەمریکا دەڵێت، توانا سەربازییەکانی حووسییەکانی یەمەن بەشێوەیەکی بەرچاو لاواز کراون.