کۆمسیۆن وادەی تۆمارکردنی لیست و هاوپەیمانێتییەکان درێژ دەکاتەوە

ئاڤا نیوز

 

ئەمڕۆ ئەنجوومەنی باڵای کۆمیسیاران کۆدەبێتەوە و وادەی تۆمارکردنی لیست و هاوپەیمانێتییەکان درێژ دەکاتەوە، لە کۆبووەنەوەکەش بڕیار لەسەر ماوەی درێژکردنەوەکە دەدرێت.

 

وێنە گەورەکە: نزیکەی حەوت مانگ ماوە بۆ بەڕێوەچوونی پرۆسەی هەڵبژاردنی خولی شەشەمی پەرلەمانی عێراق، ئەمڕۆ دوایین وادەیە بۆ تۆمارکردنی لیست و هاوپەیمانێتییەکان، بەشێکی لایەنەکان تاوەکو ئێستا ڕێکارەکانی خۆتۆمارکردنیان جێبەجێ نەکردووە.

 

لێدوانی فەرمی: د. عیماد جەمیل، سەرۆکی تیمی ڕاگەیاندنی کۆمیسیۆنی هەڵبژاردنەکان بە ئاڤای گوت، "وادەی تۆمارکردنی لیست و هاوپەیمانێتییەکان درێژ دەکرێتەوە، بەڵام لە کۆبوونەوەی ئەنجوومەنی کۆمیسیاران بڕیار لە ماوەی درێژکردنەوەکەی دەدرێت."

 

ئەمەش بزانە: 330 حیزب لە سەرەتای دامەزراندنی کۆمیسۆن ناویان تۆمارکراوە و لەو ژمارەیە تاوەکو ئێستا 80 حیزب نیازی خۆیان بۆ بەشداریکردن لە پرۆسەکە دەربڕیوە؛ هاوکات تاوەکو ئێستا پێنج هاوپەیمانی نوێ تۆمارکراون.