گەورە كۆمپانیاكانی ئەمریكا هەناردەكردنەوەی نەوت لەگەڵ وەزیری سامانە سروشتییەكان تاوتوێ دەكەن

ئاڤا نیوز

وەزیری سامانە سروشتییەكان لەگەڵ گەورە كۆمپانیاكانی ئەمریكا و كونسوڵی گشتیی ئەو وڵاتە، پرسی دەستپێكردنەوەی هەنارەی نەوتی هەرێمی كوردستان تاوتوێ دەكات، كونسوڵی گشتیی ئەمریكا پاڵپشتی وڵاتەكەی بۆ وەزارەتی سامانە سروشتییەكان دەربڕی.

چیرۆكی سەرەكی: ئەمڕۆ 4ـی ئایاری 2025، کەمال محه‌ممه‌د، وەزیری سامانە سروشتییەکان بەوەكالەت، پێشوازی لە ستیڤن بیتنەر، کونسوڵی گشتيی ئەمریکا لە هەرێمی کوردستان و مارک ڕۆڵنس، سەرۆکی گەورە کۆمپانیای (HKN)ـی ئەمريكی و شێخ سەعد، سەرۆکی کۆمپانیای تۆرەس كرد، باس لە نوێترین گفتوگۆ و دانووستانەکانی نێوان وەزارەتی سامانە سروشتییەکان و وەزارەتی نەوتی فيدڕاڵی کرا.

ڕاگەیێنراوی فەرمی: لەم كۆبوونەوەیەدا، وەزیری سامانە سروشتییەکان به‌ وه‌كاله‌ت، جەختی لەسەر جێبەجێکردنی هەموو پابەندییەکانی حكومەتی هەرێمی كوردستان کردەوە، لەپێناو گەیشتن بە ڕێکكەوتن و دەستپێکردنەوەی هەناردەی نەوتی هەرێم.