چین دەیان كورسیی بەخۆڕایی ماستەر و دكتۆرا بۆ هەرێمی كوردستان دابین دەكات

ئاڤا نیوز

وڵاتی چین ژمارەیەك زەمالەی دیكەی خوێندن بۆ خوازیارانی هەرێمی كوردستان دەڕەخسێنێت، ئاڤا وەك یەكەم دەزگای میدیایی زانیاریی لەبارەی زەمالەكە بڵاو دەكاتەوە.

چیرۆکی سەرەکی: لە نووسراوێكی فەرمیی وەزارەتی پلاندانی حكومەتی هەرێمی كوردستان كە وێنەیەكی لای ئاڤا پارێزراوە و ئەمڕۆ یەكشەممە 2025-05-04، گشتاندن بۆ سەرجەم وەزارەت و دامەزراوە حكومییەكان كراوە، سەبارەت بە دابینكردنی ژمارەیەك زەمالەی خوێندن لە چەندین بواری جۆراوجۆردا كە لەلایەن كۆماری چینی میللی بۆ ساڵی خوێندنی 2025-2026 تەرخانكراوە.

نووسراوی فەرمی: لە نووسراوەكەی وەزارەتی پلاندانان هاتووە، سەرجەم خەرجییەكانی خوێندن و بژێوی ژیان لە ئەستۆی حكومەتی چین دەبێت، خوازیاران دەتوانن لەڕێگەی ئەم لینکەوە، مەرج و بەشەکان بزانن، كە تەواوی زانیارییەكان لەبارەی مەرجەكان و شێوازی پێشكەشكردن و دۆكیۆمێنتەكانی لەخۆگرتووە كە پێویستە پێشكەش بە كونسوڵگەری گشتیی وڵاتی چین لە هەولێر بكرێن.

ئەوەی پێویستە بیزانیت: دوا كات بۆ پێشكەشكردن ڕۆژی 10-5-2025ـە و فەرمانبەرانی حكومی و دەرچووانی زانكۆ حكومییەكانی هەرێمی كوردستان، لەپێشترن بۆ سوودمەندبوون لەو زەمالەیە.