ترەمپ: بیرم لە خۆکاندیدکردنەوە بۆ سەرۆکایەتی ئەمریکا نەکردووەتەوە

ئاڤا نیوز

دۆناڵد ترەمپ لە چاوپێکەوتنێکی تەلەڤیزیۆنیدا کە ئەمڕۆ یەکشەممە پەخشکرا، لەبارەی خۆکاندیدکردنەوە بۆ سەرۆکایەتی ئەمریکا بۆ جاری سێیەم ڕایگەیاند، نازانێت دەبێت دەستووری ئەمریکا بپارێزێت یان نا.

وێنە گەورەکە: ترەمپ چەند جارێک باسی لەوەکردووە دەیەوێت بەشێوەیەک کە پابەندبێت بە دەستووری ئەمریکاوە جارێکی دیکە خۆی بۆ سەرۆکایەتی ئەمریکا کاندید بکات.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، بەجدی بیر لەوە ناکاتەوە خۆی بۆ خولی سێیەمی سەرۆکایەتی ئەمریکا کاندید بکات، و دەیەوێت لەم چوار ساڵەی سەرۆکایەتییەکەیدا باشترین کار ئەنجام بدات.

زانیاریی زیاتر: ترەمپ لە بارەی ئێران ئاماژەی بەوەدا، ئامانجی دانوستانەکانیان لەگەڵ ئێران هەڵوەشاندنەوەی بەرنامەی ئەتۆمی ئەو وڵاتەیە. هاوکات لەبارەی ڕێککەوتنی ڕووسیا و ئۆکرایناش وتی، پێی وایە لەگەڵ لایەنێک نزیکترن و ڕەنگە لەگەڵ لایەنەکەی تردا بەو شێوەیە نزیکتر نەبن و حەز ناکات بڵێت لەگەڵ کامیان نزیکترن.