نرخی نەوت 3%ی بەهاکەی لەدەستدەدات

ئاڤا نیوز

 

بڕیارەکەی ئۆپیک پڵەس بۆ زیادکردنی بەرهەمهێنانی نەوت، نرخی نەوتی لە جیهاندا بەڕێژەی 3% دابەزاند و هەر بەرمیلێک نەوت بە 59 دۆلار و 45 سەنت مامەڵەی پێوەدەکرێت.

 

وێنە گەورەکە: 3ی ئایار عێراق و حەوت وڵاتی دیکەی ئۆپیک پڵەس بڕیاریاندا لە مانگی داهاتووەوە ڕۆژانە 411 هەزار بەرمیل نەوت زیاتر بەرهەمبهێنن.

 

بینراو و بیستراو: بڕیارەکەی ئۆپیک پڵەس و مەترسییەکان لەسەر خاوبوونەوەی گەشەی ئابووری جیهان بەهۆی ئەو شەڕە بازرگانییەی سەرۆکی ئەمریکا ڕایگەیاندووە، نرخی نەوتیان بەشێوەیەکی بەرچاو دابەزاند، سەرلەبەیانی ئەمڕۆش بەهای نەوت 3%ی دیکەی بەهاکەی لەدەستدا و نرخی بەرمیلێک نەوتی برێنت بە 59 دۆلار و 45 سەنت مامەڵەی پێوەدەکرێت.

 

کاریگەری و لێکەوتەکان: لە یاسای بودجەی عێراقدا نرخی بەرمیلێک نەوت بە 70 دۆلار خەمڵێنراوە، بەهۆی دابەزینی بەهای نەوتیش بۆ خوار ئەو ئاستە، ماوەی چەندین هەفتەیە وەزارەتی دارایی عێراق پێشینەی پارەی پڕۆژەکان و هەموو خەرجییەکانی ڕاگرتووە و تەنیا بۆ مووچە پارە خەرج دەکات.