بەرنامەی کاری لوتکەی عەرەبی لە بەغدا ئاشکرا دەکرێت

ئاڤا نیوز

 

بەرنامەی کاری لوتکەی عەرەبی لە بەغدا ئاشکرا دەکرێت و کۆبوونەوە ئامادەکارییەکان بۆ ئەم لوتکەیە لە ڕۆژانی 12 تا 15ی ئایار لە بەغدا بەڕێوەدەچن.

وێنە گەورەکە: بڕیارە لە 17ـی مانگی داهاتوو، لوتکەی عەرەبی بە بەشداری سەرکردە و پادشای وڵاتانی عەرەبی لە شاری بەغدا بەڕێوەبچێت، بۆ ئەم مەبەستەش تا ئێستا عێراق داوەتنامەی فەرمی بۆ زۆرێک لەو سەرکردانە ڕەوانە کردووە.

ڕاگەیێنراوی فەرمی: بەگوێرە بڵاوکراوەی ماڵپەڕی لوتکەی عەرەبی، کۆبوونەوە ئامادەکارییەکان بۆ ئەم لوتکەیە لە ڕۆژانی 12 تا 15ی ئایار لە بەغدا بەڕێوەدەچن.

- ڕۆژی 12ی ئایار 2025: کۆبوونەوەی بەرپرسانی باڵا بۆ ئەنجوومەنی ئابووری ئامادەکاری بۆ ئەنجوومەنی کۆمکاری وڵاتانی عەرەبی لە هوتێلی مۆڤنپێک.

- ڕۆژی 13ی ئایار 2025: کۆبوونەوەی ئەنجوومەنی ئابووری و کۆمەڵایەتی لە ئاستی وەزاری ئامادەکاری بۆ ئەنجوومەنی کۆمکاری وڵاتانی عەرەبی لە هوتێلی مۆڤنپێک

- ڕۆژی 14ی ئایار 2025: کۆبوونەوەی نوێنەرانی هەمیشەیی و بەرپرسانی باڵا بۆ ئامادەکاری کۆبوونەوەی وەزیرانی دەرەوە بۆ لوتکە.

- ڕۆژی 15ی ئایار 2025: کۆبوونەوەی وەزیرانی دەرەوە ئامادەکاری بۆ لوتکە لە کۆشکی حکومی.

- ڕۆژی 17ی ئایار 2025: کۆبوونەوەی ئەنجوومەنی کۆمکاری وڵاتانی عەرەبی لە ئاستی لوتکە لە خولی ئاساییی (34) و کۆبوونەوەی لوتکەی گەشەپێدان لە خولی (5) لە کۆشکی حکومی.

ئەوەی پێویستە بیزانیت: ئەم لوتکەیە دەبێتە چوارەمین لوتکەی عەرەبی کە لە عێراق بەڕێوەدەچێت، دوای لوتکەکانی ساڵەکانی 1978، 1990 و 2012. بەمەش، 13 ساڵ دوای دوایین لوتکە، عێراق جارێکی دیکە میوانداری ئەم کۆبوونەوە گرنگە دەکات.

ئەمەش بزانە: ئەم لوتکەیە لەسەر ئاستی سەرۆک و پاشایەکان دەبێت و تێیدا باس لە کێشەکانی ناوچەکە و پەیوەندییە هاوبەشەکانی نێوان وڵاتانی عەرەبی دەکرێت.