بەڕێوەبەری تیکتۆک: داخستنی تیکتۆک لە ئەمریکا 300 هەزار کەس بێکار دەکات

ئاڤا نیوز

 

تیکتۆک زیاتر لە 170 ملیۆن بەکارهێنەری لە ئەمریکا هەیە، ئەنجوومەنی نوێنەرانی ئەمریکا پڕۆژەیاسایەکی لەبارەی داخستنی تیکتۆک پەسەند کرد و بەڕێوەبەری جێبەجێکاری ئەو کۆمپانیاکەش هۆشداری دەدات.

 

لێدوانی فەرمی: شو زی، بەڕێوەبەری جێبەجێکاری تۆڕی کۆمەڵایەتیی تیکتۆک ڕایگەیاند: "داخستنی تیکتۆک مەترسی لەدەستدانی 300 هەزار هەلی کار لە ئەمریکا بە دوای خۆیدا دەهێنێت، جگە لەمەش، چەندین ملیار دۆلار زیان بە بزنسە بچووکەکان دەگەیێنێت".

 

زانیاریی زیاتر: ئەمریکا نیگەرانە لەوەی تیکتۆک مەترسی بۆ سەر ئاسایشی نیشتمانی هەیە، بەو پێیەی خاوەندارێتییەکەی بۆ کۆمپانیایەکی چینی دەگەڕێتەوە و ترسی هەیە زانیاریی بەکارهێنەرانی بداتە دەسەڵاتدارانی چین.