تورکیا و بەریتانیا ڕێککەوتنێکی نوێی بازرگانی واژۆ دەکەن

ئاڤا نیوز

 

بەریتانیا و تورکیا بەشێوەیەکی فەرمی گفتوگۆکانی نێوانیان بۆ گەیشتن بە ڕێککەوتننامەیەکی نوێی بازرگانیی ئازاد دەستپێکرد. ڕێککەوتنەکە بازرگانیی کەلوپەل و خزمەتگوزاری لەنێوان هەردوولا لەخۆ دەگرێت.

 

وێنە گەورەکە: بەریتانیا ڕێککەوتنێکی بازرگانیی ئازادی لەگەڵ تورکیا هەیە کە لەدوای دەرچوونی لە یەکێتیی ئەوروپا ڕێککەوتنەکەیان کردووە. لە ساڵی ڕابردووەوە هەردوولا دەیانەوێت ئەم ڕێککەوتنەی نێوانیان نوێ بکەنەوە. 

 

لێدوانی فەرمی: کێمی بادێنۆچ، وەزیری بازرگانیی بەریتانیا رایگەیاند: "ئێمە پەیوەندییەکی بازرگانیی گەشەسەندوومان هەیە کە بە ڕێککەوتنێکی دیکەی بازرگانیی نوێ بەهێزتر دەبێت".

 

چاوەڕوانییەکان: پێشبینی دەکرێت هاوینی ئەمساڵ ڕێککەوتنەکە لەنێوان بەریتانیا و تورکیا واژۆ بکرێت. چاوەڕێ دەکرێت بەهۆی ڕێککەوتنەکەوە هەناردەی ساوەر و تەماتەی تورکیا بۆ بەریتانیا زیاد بکات، لە بەرامبەریشدا بەریتانیا خزمەتگوزاریی شارەزایی پیشەسازی زیاتر بۆ تورکیا بنێرێت.